სიახლეები

დუგლაძეების ღვინის კომპანია WinExpo 2018-ზე

19 ივნისი, 2018
დუგლაძეების ღვინის კომპანია WinExpo 2018-ზე

დუგლაძეების ღვინის კომპანიამ 14-16 ივნისს მონაწილეობა მიიღო ღვინისა და ალკოჰოლური სასმელების მე-11 საერთაშორისო გამოფენაში ''WinExpo 2018''. გამოფენის სტუმრებს სამი დღის განმავლობაში ჰქონდათ საშუალება დაეგემოვნებინათ დუგლაძეების ღვინის კომპანიის პროდუქცია. 

''WinExpo 2018''-ის ფარგლებში გაიმართა ღვინის საერთაშორისო დაჯილდოება, რომელზეც დუგლაძეების ღვინის კომპანიის ღვინოებმა 2 ოქროს, 2 ვერცხლისა და 2 ბრინჯაოს მედალი მოიპოვეს. 

ტოჩინოშინი დუგლაძეების ღვინის კომპანიაში

19 ივნისი, 2018
ტოჩინოშინმა ''დუგლაძეების ღვინის კომპანიის'' განახლებული ქარხანა იაპონიის ელჩთან ერთად დაათვალიერა

ყველაზე ტიტულოვანი ქართველი სუმოისტი (ტოჩინოშინი) ლევან გორგაძე, იაპონიის სრულუფლებიანი ელჩი საქართველოში ტადაჰარუ უეჰარა, საქართველოს სუმოს ფედერაციის ხელმძღვანელი ლევან ცაგურია (კოკაი) იაპონიის წამყვან მედიასაშუალებებთან ერთად “დუგლაძეების ღვინის“ განახლებულ ქარხანაში იმყოფებოდნენ.

ღვინის ტურის ფარგლებში, ტოჩინოშინის სახელობის კასრში 3 წლით დასავარგებლად განთავსედა უმაღლესი ხარსისხის ღვინო „საფერავი“. იაპონელი ჟურნალისტები, რომლებიც საქართველოზე, როგორც ტოჩინოშინის და კოკაის სამშობლოზე, ფილმს იღებენ, ტოჩინოშინთან და სხვა მოწვეულ სტუმრებთან ერთად გაეცნენ წარმოების პროცესს. 

ვიზიტის ფარგლებში დაიგეგმა ქართულ- იაპონური ეკონომიკური და კულტურული ურთიერთობების გაღრმავებისაკენ კონკრეტული ნაბიჯების გადადგმა, რაშიც ღვინოს განსაკუთრებული როლი ეკისრება.

“დუგლაძეების ღვინის  კომპანიის “მიერ ჩამოისხმება ღვინის ახალი პრემიალური  ხაზი“ KOK KAI WINES“, რომელიც იაპონიაში ექსკლუზიურ საცალო ქსელებში და რესტორნებში სექტემბრიდან გამოჩნდება. 

მედიის წარმომადგენლებს განსაკუთრებით აინტერესებთ ღვინო, როგორც საქართველოს ეკონომიკური, კულტურული და ტურისტული პოტენციალი. 

იაპონელი ჟურნალისტები განსაკუთრებულ აქცენტს ქვევრის ღვინოზე აკეთებენ, რამდენადაც "ქვევრის ღვინის დაყენების უძველესი ქართული ტრადიციული მეთოდი" 

იუნესკოს არამატერიალური კულტურული მემკვიდრეობის სიაში იაპონურ სამზარეულოსთან ერთად მოხვდა. 

“ჩვენთვის ეს ვიზიტი და სტრატეგიული ურთიერთობისკენ წინგადაგმული ნაბიჯი, არის განსაკუთრებით საპასუხისმგებლო, არამხოლოდ ჩვენი კომპანიის, არამედ ქვეყნის წინაშე. დუგლაძეების ღვინის კომპანიის სხვადასხვა დასახელების პროდუქცია, რამდენიმე წელია იაპონიის ბაზარზე განსაკუთრებული მოწონებით სარგებლობს, თუმცა ახალი პროდუქცია “KOK KAI WINES” კიდევ უფრო გააღრმავებს ქართულ-იაპონურ კულტურულ და საქმიან ურთიერთობებს.“ განაცხადა კომპანის მფლობელმა  და მმართველმა დირექტორმა ზაალ  დუგლაძემ. 

“ყოველი ვიზიტი იაპონიაში, კიდევ უფრო მეტად მიღრმავებს იმ რწმენას, თუ რამდენი შესაძლებლობა არსებობს ქართულ-იაპონური ურთიერთობების დასაახლოებლად.  ჩემი აქტიური სპორტული კარიერის დროს, და ახლაც, განსაკუთრებულ პატივისცემას ვგრნობ როგორც იაპონელი ხალხისგან, ისე საელჩოსა თუ დიპლომატიური კორპუსისგან. ჩემთვის ძალიან დიდი პატივი და პასუხისმგებლობაა, რომ ასეთი მაღალი ხარისხის ღვინო ჩემი სახელის ქვეშ გაიყიდება.“ განაცხადა კოკაიმ (ლევან ცაგურიამ)  სუმოს ფედერაციის პრეზიდენტმა.

ფალსიფიცირებასთან ბრძოლის სტრატეგიაზე შეთანხმება

14 დეკემბერი, 2016
ფალსიფიცირებასთან ბრძოლის სტრატეგიაზე შეთანხმება

მიმდინარე წლის 9 დეკემბერს, ჩინეთში, ქალაქ შიანში, აბრეშუმის გზის საერთაშორისო სავაჭრო პალატის მიწვევით, დუგლაძეების ღვინის კომპანიის გენერალურმა დირექტორმა ბატონმა ზაალ დუგლაძემ აბრეშუმის გზის საინვესტიციო საჰოლდინგო კომპანიასთან და შანხაის კომერციის საინფორმაციო ცენტრთან ერთად ხელი მოაწერა თანამშრომლობის შეთანხმებას ღვინის პროდუქტების მიკვლევის სისტემის შესახებ. ამ შეთანხმების მიზანია შეიქმნას მიკვლევის სისტემა „დუგლაძეების ღვინის კომპანიის“ პროდუქციაზე, რაც საშუალებას მისცემს ჩინელ მომხმარებელს მობილური ტელეფონის საშუალებით დაასკანიროს პროდუქტზე განთავსებული QR - კოდი და მყისიერად მიიღოს ინფორმაცია თუ სად და როგორ არის იგი წარმოებული, სად და როდის არის აღებული ყურძნის მოსავალი, ასევე ინფორმაციას ლაბორატორიული მონაცემების შესახებ, როდის და რომელ საბაჟოზე მოხდა პროდუქტის ჩინეთში შეტანა და ა.შ.

მიკვლევის სისტემის ეს პროექტი უზრუნველყოფს პროდუქციის ავთენტურობას. დღეისათვის, ჩინეთის ბაზარზე მკვეთრად იზრდება ფალსიფიცირებული ქართული ღვინის ჩამოსხმა და გაყიდვა. აღნიშნული მნიშვნელოვან პრობლემას წარმოადგენს ქართული ღვინის მწარმოებელი კომპანიებისათვის და მათი ჩინელი პარტნიორებისათვის, რომლებიც შეშფოთებულები არიან ამ ტენდენციით და ბოლო პერიოდში აქტიურად განიხილავენ მისგან თავის დაცვის გზებს. ამ პროექტთან მიერთებით, „დუგლაძეების ღვინის კომპანია“ აპირებს აქტიურად ჩაერთოს ფალსიფიკაციის წინააღმდეგ ბრძოლაში და დაიცვას თავისი მომხმარებლის უფლებები. აღსანიშნავია, რომ „დუგლაძეების ღვინის კომპანია“ არის პირველი ქართული კომპანია, რომელიც ამ პროექტში მონაწილეობს. პროექტში, რომელიც მოწონებულია ჩინეთის სახელმწიფო საბჭოს, ფინანსთა და ვაჭრობის სამინისტროების მიერ. „იმედი გვაქვს, რომ ჩვენი ეს ნაბიჯი კარგი მაგალითი გახდება ღვინის სხვა ქართველი მწარმოებლებისათვის, რათა შემდგომში ყველამ შეძლოს სარგებლობა ამ პროექტის უპირატესობებით“ - აცხადებენ კომპანიაში.

სტუმრად ბელორუსიის სამთავრობო დელეგაცია

5 სექტემბერი, 2016
ბელორუსიის რესპუბლიკის სამთავრობო დელეგაცია სტუმრად ეწვია

31 აგვისტოს „დუგლაძეების ღვინის კომპანიას“ სტუმრად ეწვია ბელორუსიის რესპუბლიკის სამთავრობო დელეგაცია, ბელორუსიის რესპუბლიკის პრემიერმინისტრის მოადგილე მიხაილ რუსიის ხელმძღვანელობით. სტუმრებთან ერთად იმყოფებოდნენ საქართველოს სრულუფლებიანი ელჩი ბელორუსის რესპუბლიკაში დავით კოტარია და საქართველოს ეკონომიკისა და მდგრადი განვითარების მინისტრის მოადგილე გენადი არველაძე. სტუმრებმა განახლებული ქარხანა დაათვალიერეს და „დუგლაძეების ღვინის კომპანიის“ ღვინოები დააგემოვნეს.  შედგა საქმიანი საუბარი, სადაც განიხილეს სამომავლო თანამშრომლობა. ბელორუსის სამთავრობო დელეგაციაში ასევე შედიოდნენ:   ბელორუსის სრულუფლებიანი ელჩი საქართველოში მიხაილ მიატლიკოვი, ქალაქ მინსკის საქალაქო აღმასრულებელი კომიტეტის თავმჯდომარე ანდრეი შორეცი, სოფლის მეურნეობისა და სურსათის მინისტრის პირველი მოადგილე ლეონიდ მარინიჩი, არქიტექტურისა და მშენებლობის მინისტრის პირველი მოადგილე ალექსანდრ კრუჩანოვი, მრეწველობის მინისტრის მოადგილე ალექსანდრ ოგოროდნიკოვი და კონცერნ „ბელგოსპიშჩეპრომის“ თავმჯდომარე ალექსანდრ ზაბელლო.